Muzeu i Shkencave të Natyrës
Muzeu Shkencave të Natyrës, aty ku natyra prek realitetin, është i vetmi i llojit të tij në vendin tonë.
I ngritur në 1948, me një histori ekxemplarësh që nga viti 1900, ai përfaqëson një pasuri të rrallë kombëtare dhe me vlera shkencore dhe kulturore. Vetëm duke vizituar 7 pavionët e tij të larmishëm, ju mund të niheni në një kohë të shkurtër me kafshët dhe bimët.
Këtu do gjeni punën, mundin dhe dashurinë për natyrën të specialistëve më të mirë Shiptarë, të cilët me durim vit pas viti kanë arrtiur që të mbledhin dhe ekspozojnë mbi 3000 eksponantë vëndas dhe të huaj, dhe mijëra përfaqësues në fondin shkencor të larmishëm. Pavionet janë vendosur në mënyrë të tillë që tregojnë drejtimin e evolucionit të botës së gjallë.

Në eksponantët tanë do të gjeni një larmi nga fauna tokësore, detare, lumenjëve, ujërave te mjelmëta, kashë që nga koralet mahnitës shumënngjyrësh të ngulur e të palëvizshme; moluskë të llojevë të ndryshmë deri guaskat e Oqeanit Indian; insekte me pamje dhe ngjyra mahnitëse, peshq të llojeve të ndryshme; amfibë dhe reptilë mbresëlënës që nga gjarpërinjtë e deri tek breshkat e mëdha detare; shpendë të mrekullueshëm, ku padyshim pelikani kacurel mbetet unik; gjitarë me pamje madhështore që nga majmunët e Afrikës e deri tek ariu i pyjeve dhe balena e detrave.

Tek ne, do ju shoqërojnë gjatë gjithë vizitës tuaj specialistët më të mirë të Universietit për bimë dhe kafshët, të cilët jo vetëm do ju tregojnë cdo gjë për botën e gjallë, por do ju shuajnë kërshërinë tuaj duke ju treguar shumë mistere dhe kuriozitete nga kafshët dhe natyra që na rrethon. Muzeu, nisur nga kjo larmi përfaqëson një kompleks shkencor, mësimor, edukativ, kulturor, dhe të vetmen qëndër të studimit të Biodiversitetit dhe Mjedisit Shqiptar. Ju do keni mundësinë të shikoni nga afër llojet e rrezikuar dhe të kërcënuar të Shqipiërisë.

Çfarë do të shikoni

Invertebrorët ujorë, 693 individë në 488 specie, përfaqësohen me format më të shumëllojshme të knidarëve, sfungjerëve, yjeve te detit, molusqeve, etj, gastropodëve. Ketu do të gjeni sfungjerë të mëdhenjë, guaskat gjigande dhe të tjera lloje ekzotike që vijnë që nga Oqeani Indian i largët dhe detërat tropikalë.   

Kandrat, me numërin më më madh 12 individë në 217 specie. Përfaqësojnë klasën me 2/3 e gjithë faunës, dhe të tërheqin me larminë e tyre të formave dhe ngjyrave të shumëllojshme të fluturave. Pilivesat, murgeshat, karkalecat, brumbujt, foletë e bletëve dhe sidomos fluturat e ditës janë përfaqësuesit më të spikatur të tyre. Do gjeni edhe shumë specie dëmtuese të kulturave bujqësore dhe frutore. 

Peshqit, 167 indivië në 157 specie të detrave dhe liqeneve janë të gjithë këtu, me forma nga më të ndryshmet; peshku shpatë, elektrik apo fluturues do ju sjellin në një botë nënujore. Speciet janë bentoniket e fundit te detrave, grabitqarë si peshkaqeni, peshq të liqeneve si korani endemik, apo migratorë si ngjalat apo troftat, si dhe exemplarin me te rralle te deteve tona “Peshkun Mbret”. Amfibët, grup interesant që përfaqson kalimin e rëndësishëm të vertebrorëve të parë nga jetesa në ujë në atë në tokë. Janë 15 specie, që nga salamandrat misterioze, thithlopat, dhe bretkosat e mirënjohura.

Reptilët, 37 speciet e vendit do keni mundësi ti shikoni tek ne. Për herë të parë do keni përballë jush, në të njtën kohë, gjarpërinjtë e ujit, shigjetën e hollë, gjarpërin me zile, bollën si dhe gjarpërin e verbër tepër interesant, apo nepërkën helmuese. Do shikoni nga afër, breshkat e zakonshme të tokës, si dhe ekxepmplarë 1m te breshkave të uji që si keni parë kurrë më parë. Shpendët, 380 individët në 224 specie të mbretërve të ajërit janë të ekspozuar në dy salla të mëdha. Këtu janë përfaqësues më pamje që do ju magjepësin që nga kanarinat, palloi shumëngjurësh, shqiponja e malit, dhe nje cift  të pelikanit kacurel të Karavastasë.

Gjitarët, mbretërit e sterësë janë 52 individë në 44 lloje duke përfaqësuar individët më të spikatur të kësaj klase. Në pavionin e tyre do shikoni nga afër dhe pa frikë ujkun, cakallin, dhelprën apo macen e egër. Këtu ndodhen dhe majmunë të Afrikës dhe Amerikës së jugut, brejtës te vegjël, dhe po ashtu drerin e pyjeve apo delfinin fisnik të detrave. Skeleti gjigand dhe mahnitës i një balene nuk mund ti mungojë këtij muezumi në natyrës.  
 

Email - Stafi Pedagogjik

Klikoni për të hyrë në postën tuaj elektronike
@fshn.edu.al

Email - Studentët

Klikoni për të hyrë në postën tuaj elektronike
@fshnstudent.info

Adresa

Çdo ditë nga e hëna në të premte, ora 08-16.30
Adresa : Rruga Todi Shkurti 
Tel/fax: 00355 4 2 29 08.

Ju mirëpresim!